Sana, hindi totoo ito. Matagal na namin itong nabalitaan, nag-die-down, tapos, ito na naman, narinig uli namin ang balitang totoong hiwalay na raw ang showbiz couple.
Sabi nga namin sa aming kausap, ba’t ’pag pinanonood namin sa tv commercial ang mag-asawa, eh, parang sila ang pinakamasayang pamilya sa buong mundo?
“Aba, siyempre, umaarte silang one happy family sila, eh. Kasi, ’yun ang hinihingi sa commercial. Pero ang totoo, matagal na silang hiwalay.
“Kailangan lang nilang magsama sa isang bubong, dahil nakatali sila sa kontrata du’n sa mga commercial na ginagawa nila.
“’Pag naghiwalay sila, sila mismo ang nag-violate ng contract. Magbi-breach sila ng contract. Up to now naman, nasa iisang bubong lang sila, eh. Pero magkahiwalay sila ng kuwarto.
“And when in front of the cameras, super sweet sila at sobrang kaiinggitan ang kanilang pagsasama. Pagdating sa house, kanya-kanya na sila.”
Ano’ng rason?
“‘Yan ang alamin mo sa kanila. At itanong mo na rin kung may third party involved.”
May ganu’n? Eto na lang ang clue na ibibigay namin kay mister at kay misis. Chicken lang ’to sa inyo.
Ang initials ng mga pangalan nila, magkakaibang letra. As in walang pareho.
Source: Ogie Diaz, Journal Online
Recent Comments